باختصار زمايلى قرروا يستغلوا الظروف اللى بتحصل فى البلد والتغيير واتفقوا على يوم الخميس امبارح 10/2 انهم يتقابلوا امام مكتب الوزير ويحاولوا يعملوا مقابلة
وفعلا قابلوا الوزير هانى هلال شخصيا وكان عدد كبير ولكن مش كبير جدا ومن محافظات تانية الوزير قال اننا مش ينفع ننضم لهندسة لان فيه فرق فى عدد سنوات الدراسة وان ممكن ضمنا لنقابة التكنولوجيين اللى بتتعمل
وطبعا رفضوا رفض تام وطلبوا المعادلة عن طريق دراسة المواد اللى بتنقصنا عن هندسة ( المقاصة الهندسية )
وقالنا انه هيناقش الموضوع ده مع المجلس الاعلى للجامعات وفيه ناس قابلوها فى مكتب الوزير تانية قالولهم ان الوزير عارف الموضوع بتاعكم وعارف ان ده من حقكم بس هما خايفيين ينفذوا وياريت يكون ليكم وقفة تحرك الموضوع شوية
احنا ان شاء الله قررنا اننا هنعمل وقفه كبيره وان شاء الله يكون فيها عدد كبير جدا وهيكون معانا لافتات وشعارات يوم الاتنين الساعه 9:30 وياريت كله يكون موجود احنا وصلنا للوزير مش عايزين نرجع تانى عايزين بقى نثبتله اننا عدد كبير وان ده مطلب من مطالبنا ولازم ينظروا للموضوع باهميه اكتر من كده
وده رجاء ونداء ليكوا جميعا ياريت يا جماعه اللى يعرف زميل ليه واللى يعرف يجمع كل اصدقاءه يجى معانا يوم الاتنين مستنينكوا كلكوا والله يا جماعه هانت خلاص
وان شاء الله نبقى نرفع المقابله اللى تمت مع الوزير قريب لاننا سجلها صوت على الموبيل بتاع واحد زميلنا
4 مدنى بنى سويف
الأحد نوفمبر 10, 2019 1:30 am من طرف Peo
