--------------------------------------------------------------------------------
نصيحه لاى حد عاوز يتعلم اى لغه لازم يحط فى دماغه ان اى لغه فى الدنيا ماهى الا عباره عن
اربع مهارات مالهمش خامس
الاستماع
التحدث
القراءه
الكتابه
وطبعا عشان الواحد يحسن المهارات دى لازم يعمل حاجه اساسيه الا وهى :........
الممـــــــــــــــــارسه
طبعا اللمارسه دى ليها عدة طرق عشان تقوى المهارات اللى قولنا عليها دى زى :.....
1- مشاهدة الافلام الناطقه بهذه اللغه (بدون ماتغضب الله ) وباللهجه المطلوبه ودى بتحسن مهارتين وهما الاستماع
واكتساب لهجه تحدث حسب لهجه الفيلم وفى نصيحه شخصيه بئى وهى ان الواحد يتفرج على فيلم مره بدون
ترجمه فى الاول ويعيده ويركز على الجمل اللى مافهمهاش وبعد كده يتفرج عليه بالترجمه وساعتها هايحفظ
عن ظهر قلب تعبيرات وتراكيب هاتفيده جداااااااا فى التحدث لما يجى يتكلم بعد كده مع اى حد
2- قراءة قصص وبدايه الواحد يبتدى بقصص الاطفال عشان بسيطه ومافيهاش تعقيد وهاتخلى الواحد يجمع كلمات
كتيييييييير وبسرعه زى ماكلكم عاوزين
3- الحاجه بئى اللى انصح بيها وعن تجربه ان الواحد يقرا ويسمع فى نفس الوقت يعنى تشغل عينيك مع ودانك طب ده
يحصـــــــل ازاى ؟؟؟؟؟؟؟؟
ببساطه جدا ان الواحد يسمع قصه بتتقال ويمسكها مكتوبه ويمشى عينه مع الكلام وودانه مع السرد اللى بيسمعه
وطبعا هاتسالوا ايه فايدة كده هو ان الواحد بالطريقه دى هايقوى مهارة الاستماع ودى مهاره مهمه جدا بالذات لو
جيت تتكلم مع حد متحدث اصلى للغه وكل ما كنت بتسمع اسرع ده هايفيدك اوى انك تعرف تلحق كل كلام اللى
بيتقالك من اى حد فى اى موقف ولما تمشى بعينك على الكلمات وهاتعرف شكلها طبعا لما تيجى تكتب هاتكون
كتاباتك سليمه مش تخبيط