السلام عليكم ورحمة الله وبركاته
النهارده افحمني خبرين طفو حماس الواحد للسنه الجديده ,,,,
الاول اللي هوا عنوان الموضوع و دا موضوع لحد دلوقتي مش متخيل هينفع ازاي ف كليتنا و هل هوا كويس ولا هيكحلها اكتر ,,,,
قريت تعليقات وردود علي المقاله ف الجريده علي النت منهم اللي موافق و بيشجع الموضوع لاسباب
ومنهم اللي رافض وناقد للموضوع لاسباب تانيه
وتقريبا كل واحد كان بيعلق حسب ظروف كليته و جامعته
عشان كدا حبيت اجيب الموضوع هنا بما اننا اول يوم النهارده دراسه و نشوف اراء بعض فيه
[ندعوك للتسجيل في المنتدى أو التعريف بنفسك لمعاينة هذا الرابط]بالنسبه لرأيي , شايف ان الموضوع دا هييجي علي الدكاتره قبل ماييجي علينا , لان معظم الدكاتره زي ماكلنا عارفين بياكلو عيش من الكتاب و ليهم نسبه محدداها الوزاره ف سعر الكتاب , وبالشكل دا بعضهم والله اعلم ممكن يجيب الموضوع بشكل تاني عن طريق مذكرات المكتبات و بسعر عالي طبعا ,,,
بالنسبه لينا بقي كطلاب هيبقي انيل و انيل
اولا مش كلنا بنقدر نجمع من المحاضره نسبة فهم 100% , اقصانا اوي 60% مع شرح كويس طبعا للدكتور ,,,
ثانيا معظم الناس اللي بتذاكر من الكتب هتبقي ملزمه تحضر المحاضرات و السكاشن كلها من غير غياب عشان يقدروا يحصلوا الماده كلها
ثالثا الماده العلميه اللي المفروض هنجمعها اللي هيطالبنا بيها الدكتور مالهاش الا مكانين يتجابو منها
- المكتبه و دي طبعا كلنا عارفين حالها , ان كانت معظم كتبها انجليزي او كمية الكتب القليله اللي فيها غير حجم المكتبه اللي عمره ما هيساعي الكليه كلها لو فكروا يحصلوا حاجه ف يوم واحد ,,
- السيبرات او مراكز النت , ودي بقي مش محتاجه تعليق , ان كان من تكلفه فتره وجودك فيها او من كمية الوقت اللي بيضيع من غير مانحس بيه قدام الكمبيوتر , دا غير الناس اللي علي قدها شوية فيه ,,,,
عموما كلها كام يوم ونرسي علي الوضع هيمشي ازاي , حبيت اسمع رايكم يمكن نقدر نستفاد من اراء بعد بشكل او بآخر ,,,
تاني موضوع افحمني النهارده و دا خاص بالفرقه الثالثه انتاج بس
هو عباره عن بشري ساره لأهالي القسم
دكتور محمد عادل بتاع الورشه يا جماعه هيدينا مادتين الترم دااااااااااااااااااااا ( وصل
و قطع
)
وخلي بالكم من دكتور دي , اوعي حد يتجرأ و يقول مهندس , هقتله
والمفاجاه الكبري لهذا الموسم
د عصام اللي كان بيدي رياضه ف تانيه و حط امتحان اخر السنه هيدينا السناااااااااادي احصاء
و دكتوره هاله اسماعيل هتدي لالكترونيات
انا بقولكم كدا بس عشان كلنا ان شا الله بالصلا عالنبي نعمل حسابنا علي كورس عند مهندس محمود فتحي
يمكن ربنا يكرمنا ونجيب مقبول معاه
يلا ربنا مع الكل .....
الأحد نوفمبر 10, 2019 1:30 am من طرف Peo
