هذة مشكلة طالب خريج تعليم صناعى

دا ظلم لكليه تعليم صناعى اولا اثناء اللدراسه 1- لما تدرس 14 ماده فى 4 سنين يعنى 56 ماده دراسيه منهم 48 ماده هندسيه (جامعة قناه السويس)ويجى فى الاخر يقولك انت مدرس 2- لما دكاتره هندسه يدخلوا يدوا محاضرات فى عينيهم اشمئزاز من الطلبة وكأن مش من حقنا ندخل جامعه اصلا رغم ان مهندسين المانيا (اوعدنا يارب) تعليم فنى اكثرهم 3- لما يجيلك دكاتره هندسه يدولك رياضه ولا فيزياء ولا ميتالوروجى ولا اختبارات مواد وهم متضررين من دخول الكلية اصلا ويعاملوك على انك متخلف من طبقة تانيه مش من حقك اى شىء وخساره فيك حتى الهواء اللى بتتنفسه 4- لما تعمل مشروع تخرج هندسي بحت ويطلع عينك من البحث فى المراجع وعلى النت وتروح اماكن تجيب داتا أو تصور صور للمشروع وفى مكتبات كليات الهندسه عشان مكتبة كليتك بتكح تراب ويناقشك فيه دكاتره مهندسين وتجيب تقدير امتياز وجيد جدا ويتقالك فى الاخر انت مدرس ثانيا بعد التخرج 5- بعد لما تخلص وماتلاقيش نقابة تضمك ليها زى أى كلية عمليه رغم دراستك الهندسيه الصريحه 6- لما تيجى تشتغل فى مكان ويقولوك انت مؤهل متوسط واشغلك فنى ويحرقوا دمك مع انك خريج جامعى فى تخصص هندسى بدليل دراستك مشكله النقابه ولاهم . انا خريج الكليه دفعه 2007 المشكله ان انا مسجلتش في نقابه سالت في نقابه المهندسين قالوا تمنح عضويه النقابه لخريجي كليات الهندسه والمؤهلات الموازيه بشرط دراسه 5 سنوات وطبعا احنا اربع سنوات نزلت علي المجلس الاعلي للجامعات المصريه في 89 ش احمد عرابي المهندسين القاهرة المهم سالت عن شروط معادله درجه البكالوريوس قالوا ان لازم يكون تخصصك متوفر في الكليه اللي راح تعادل فيها درجه البكالوريوس قلت جميل قال تاني شيء موافقه رئيس القسم وعميد الكليه ورئيس الجامعه مكدبتش خبر نزلت علي كليه الهندسه في اسكندريه قالوا ان لازم المجلس الاعلي للجامعات يبعت نشرة فيها الموافقه علي معادله درجه البكالوريوس وتكون خاصه بطلبه التعليم الصناعي لان معادله درجه البكالوريوس في كلية الهندسه في اسكندريه لازم تكون من معاهد او كليات خمس سنين وده طبعا مخالف للشروط ده بالاضافه ان لو عايز تعادل درجه البكالوريوس لازم يصدر قرار من رئاسه الوزرا وما ينفعش اي حد يقدم طلب لازم الطلب يتقدم من خلال مساره القانوني نزلت تاني للمجلس الاعلي للجامعات المصريه قال لي الكلام ده صحيح فماذا نفعل ؟؟؟؟؟؟

ارمى حمولك ع الله البلد ده مش بتقدر حد اصلا وخاليك واثق بنفسك مهما حصل ومهارات وعلملك هو اللى يوصلك سبيك من كلام الناس والحكومة بالها طويل اوي وهما اصلا اغبية بدليل فاتحين كليه مش عارفين خرجينها هيشتغولو ايه
ولا عارفين بيدرسوا ايه بدليل ان وزير التعليم العالى مش عارف حاجه اصلا

حتعمل ايه ده حاجة اخر قرف ياراجل يعنى الواحد يطلع عينه فى بنى سويف اربع سنين فحت وردم من حياته
وفى المدينة الجماعية اللى عامله زى المعتقل فى منفى فى الصحرا
والدكاترة اللى بيبصوا بصة استحقار ليك عشان جى من صنايع محسسنى انهم علماء فى المواد
وطبعا دكتور يهزق فييك او معيد يقولك انت اصللك من صنايع
وكلام ززى السم
غير سفر من اسكندرية سبع ساعات قهر فى قطر معفن
غير الفلوس بالهبل على الكتب والمصاريف
وفى الاخر يطلعوك مدرس رغم دراسة انجليزى
ومواد هندسية وفى الاخر مدرس
يافرحتى
الواحد طهق اساسا واحتمال ميكملش

تخيل الكلية موجوده فى اربع مدن فقط
ازغرط مفيش واحدة فى وجه بحرى نهائى

قرف

ههههههههههههههه
احنا ياجماعه الحمد لله بنتعب فى الكليه دى وان شاء الله ربنا هيدينا على قد تعبنا ومجهودنا وربنا يوفقنا

يا جماعه كفايه بقي سلبيه و نقد ف الكليه
دا يا جدعان قدرنا كلنا هنعمل ايه اكتر من كدا يعني
خلونا نبص للموضوع بقي من الجانب الكويس اللي فيه و مش هنقعد نعد الايجابيات اللي فيها تاني
هما اربع سنين راحو او جم نعديهم علي خير بقي وخلاص
وعلي فكره تقريبا في فرع تعليم صناعي ف السويس , وتقريبا السويس دي وجه بحري ولا ايه ؟؟؟