زى ما انتوا عارفين طبعا كل مرة أي حد يروح نوع المقابلة له بتكون إزاى والاسطوانة المشروخة منهم دائما (((( احمدوا ربنا على كده)))))
والدوخة اللى يدوخوهالك لما يتزنقوا يقولك روح للأستاذة فلانة وفى حاجة غريبة يأخى أغلب القيادات هناك حريم أنا مش عارف ليه بس عندى إعتقاد عشان أمينة المجلس إمراة فمعينا كل اللى تحتها حريم زيها . المهم
أولا تم مقابلة سكرتارية أمين المجلس ورفضت إستلام المطالب وقالت الملف ده مع الإستاذ جمال مدير مكتب أمين المجلس الإستاذ جمال قرأ المطالب وقال يعنى تنفيذ القرار كما ينبغى دى كلمة شديدة قلتله (ليها عندى تفسير) ثم قال الملف ده مع الإستاذة ناهد( وكيلة الوزارة)
روحنا للإستاذة ناهد بعد حوار طويل ومناقشات ساخنة وفتح ملف فساد خطير وهو ( إغلاق كليات التعليم الصناعى أو تحويلها لمجمعات تكنولوجية) وهذ الملف فى الإساس هو سبب إعطائهم المعادلة لنا اللى هو حقنا قالت لى المطالب وطبعا دى عشان وكيلة وزارة فبتلعب معايا سياسة وحورينى ياكيكة بس على مين المهم رفضت إستلام المطالب وعلقت على المطلب الثانى فقط وقالت احنا بعتنا لكل الجامعات وقالت لما أقولك بعتنا تبقى تصدق قولتها تمام فين رقم الصادر سواء فاكس أو جواب قالت إحنا بعتنا ايميلات فقط قولت لها حضرتك عارفة انى الجهات الحكومية ما بتتعملش بلإيملات لازم خطاب رسمى من المجلس وأنا معايا صورة الجواب اللى بعتوه لجامعة المنصورة اشمعن دى ماتبعتلهاش ايميل قالت انت قديم قوى احنا دلوقتى بنتعامل بلإيميلات (طبعا انتوا عارفين مين القديم ويمكن هى بتفتح الكميوتر بالعافية) ثم قالت احنا بعتنا ايميلات وفاكسات وخطابات (لاحظ هنا هى فى الأول قالت إيه) قولتلها كويس فين رقم الصادر قالت لى انت مش مصدقنى قولتلها لأ مصدقك لكن ادينى رقم الصادر للجامعة وأنا اتعامل معاها قالت لأ قولتلها.
طيب حضرتك اعملوا اللى عليكوا وابعتوا للجامعات ونحن لانجبركم ان تجعلوا جميع الجامعات تقبلنا قالتلى انتا هتعلمنا شغلنا وبتحاسبنا قولت لها لأ بس كده فى مخالفة يبقى لقرار الوزير.
المهم كان معاها بعض الزملاء هم ثلاثة أفرادالأول قالها اصلهم مش مصدقين اللى حدوه قولتله احنا محدش أعطانا حاجة هبة من عنده ده حقنا انت لغيت أو حولت كليتى وده قانونا ودستوريا لا يتم إلا بقرار جمهورى ومعنى كده انك لغيت بكالوريوسى اللى أنا مش عارف أشتغل بيه ومليش مسمى يبقى انت مجبر تعادلنى بحاجة تانى هى أقرب لى.
والثانى قالى هو فى فى الدستور ولا فى القانون تعليم صناعى قولتله أيوة فى وأنشئت بقرار جمهورى راح حط وجهه فى الأرض وسكت.
وكان معى صديق ثورة التعليم الصناعى أحمد عزام تعليم صناعى حلوان راح قالها إحنا مش عايزيين نعمل إعتصامات تانى ونطالب بحقوق تانى احنا بس نريد تطبيق القرار وعدم وضع شروط والتوزيع جغرافيا .
قالتله بكل تناكة إعمل مظاهرات إحنا اتعودنا على كدة( هى مش عارفه إنى ملهاش كبير دلوقتى وان ثلاث وزراء عندها فى ستة أشهر إتغيروا )
زميلها الثالث قال لأحمد عزام هو انت الزعيم بتاعهم واللى بتقولهم يتظاهروا أو لأ قولته أنا آه هو راح سكت هو أيضا.
ثم مدام ناهد قالت اطلع إسأل مدام زبيدة عشان انا معرفش بعتت ولا لأ لكل الجامعات !!!!!!!!!!!!!!!!! ( لاحظ فى الأول قالت انا بقولك بعت)!!!!!!!!
روحت لمدام زبيدة( مدير شئون الطلبة) ثم وجدت هناك مجموعة أخى من تربية شعبة تعليم صناعى جامعة عين شمس كانت موجودة وأغلقت فى 1990 وأيضا بشتكوا من نفس النقطة عايزيين يكملوا فى جامعتهم والجامعة بتقول ماوصلناش حاجة
انتظرنا مدام زبيدة ثم قالت نفس الكلام إحنا مابعتناش غير للجامعات اللى بيها تعليم صناعى أو تربية تعليم صناعى وبالمناسبة فى كذا كلية تربية زى أسيوط والإسكندرية وعين شمس كان بيهم تربية شعبة تعليم صناعى واتقفلت وماتبعتش ليهم إخطارات من المجلس وأيضا أكدت إحتمال تصفية الأعداد نظرا لكثرتها قولتلها إذا الحل التوزيع الجغرافى قالت مش هعمل كدة.
وبعدين وإحنا موجودين عملت خطاب لجامعة عين شمس وقالت هحاول أرسله انهاردة أو بكرة الصبح.
وانتهت المقابلة ورفضوا إستلام المطالب ولكن أنا غدا هبعتها رسمى للوزير والمجلس بعلم الوصول وإجبارى هيستلموها .
"اللهم ولى أمورنا خيارنا وولى من يصلح حالنا"
"اللهم من أشقق على المسلمين فأشقق عليه "
"اللهم انتقم من الظالمين وأقطع جذور الفساد من كل مكان"
الأحد نوفمبر 10, 2019 1:30 am من طرف Peo
