كلية التعليم الصناعي ببني سويف

 
الرئيسيةاليوميةمكتبة الصوربحـثالتسجيلدخول الملف الخاص للمدير العام جروب الفيس بوك لتعليم صناعى اتصل بنا
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» نماذج امتحانات سنوات سابقة
الثلاثاء سبتمبر 22, 2015 12:27 pm من طرف mke.mohamed_korany

» بدء الدراسة بالعام الجامعى 2016 ببرنامج تأهيل المعلمين
الثلاثاء سبتمبر 22, 2015 12:22 pm من طرف mke.mohamed_korany

» مبادرة متشغلنيش شكرا هعمل مشروع لنفسى .
الثلاثاء سبتمبر 22, 2015 9:48 am من طرف mke.mohamed_korany

» نتيجة المدينة الجامعية للعام 2015 / 2016
الثلاثاء سبتمبر 22, 2015 9:37 am من طرف mke.mohamed_korany

» للتواصل والاتصال بالمدينة الجامعية ببنى سويف فى الشرق
الأربعاء سبتمبر 16, 2015 7:35 am من طرف yasser daba

» أرقام تليفونات المدينة الجامعية بالشرق
الأحد أغسطس 30, 2015 10:20 am من طرف yasser daba

» 7 خطايا فى الـ Interview
السبت أغسطس 29, 2015 10:51 am من طرف mke.mohamed_korany

» برنامج wilcom عربى
الخميس ديسمبر 18, 2014 4:26 am من طرف haya2013

» صور كليه التعليم الصناعى
الأربعاء أكتوبر 08, 2014 7:01 pm من طرف م/ على حجازى

فديو mke2011
فديو مكى 2009
المصحف الاليكترونى
مجموعة كلية التعليم الصناعى
مجموعات Google
اشتراك في كلية التعليم الصناعي
البريد الإلكتروني:
زيارة هذه المجموعة
ساعة تعليم صناعى

محمد مكى
ملف تعريف مكى بالجامعة
الصفحة الشخصية لمكى على الفيس بوك
اتصل بنا
ساعة مكى 2011

شاطر | 
 

  ربطات الحجاب وخاماتها وما يناسب وجهك ومناسباتك أختي المحجبه ...

اذهب الى الأسفل 
كاتب الموضوعرسالة
yoyo2011
عضوفعال
عضوفعال
avatar

عدد المساهمات : 44
تاريخ التسجيل : 31/03/2010
الموقع - -محل الاقامة : fe bitna
رقم العضوية : 174
المزاج : Molto molto

مُساهمةموضوع: ربطات الحجاب وخاماتها وما يناسب وجهك ومناسباتك أختي المحجبه ...    الجمعة أغسطس 27, 2010 7:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

خامات الحجاب خامات الطرح اشكال ونقشات الطرح اشكال ونقشات الحجاب أحدث اشكال وانواع الطرح والبندانه شكل الطرح والحجاب المناسب لكل وجه الطرح المناسبه لبنت الجامعه موديلات الحجاب والطرح


كملي جمالك بربطة حجابك .... هام جدا



إيه هي أحدث خامات الطرح؟

كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.

أحدث أشكال ونقشات الطرح إيه؟


الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).


واللمعة اللي موجودة في الطرح ممكن نلبسها في النهار؟


معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.


هل ربطة الطرحة الإسبانش تراجعت شوية؟


أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض.


وإيه هي أحدث أشكال وأنواع البندانة؟

أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس


هل ممكن البنت تستخدم الطرحة لإخفاء عيوب الوجه والمناطق الضخمة في وجها؟

آه طبعا.. أكيد..


طيب ازاي؟

شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.
وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.

طيب لو بنت وجهها مدوّر؟

يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع


والوجه المربع أو المستطيل؟

الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

والوجه البيضاوي؟

معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.


طيب صاحبة الأنف الكبير تعمل إيه؟؟

صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

لو الشفايف كبيرة نعمل إيه؟

نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان

نتكلم بالتفصيل شوية عن شكل الربطة المناسبة للبنت في الجامعة؟

ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.

[ندعوك للتسجيل في المنتدى أو التعريف بنفسك لمعاينة هذه الصورة]

عايزين طريقة لفة طرحة تكون روشة؟

1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.

[ندعوك للتسجيل في المنتدى أو التعريف بنفسك لمعاينة هذه الصورة]

ربطة الطرحة السواريه تكون عاملة ازاي؟

الأفضل تكون أكثر من طرحة وفي البداية:
1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟

1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول

[ندعوك للتسجيل في المنتدى أو التعريف بنفسك لمعاينة هذه الصورة]

عايزين نعرف طريقة ثانية لربط ثلاث طرح وتكون روشة؟

1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.

الشكل هيظهر عندي كالتالي:

6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟!

10 - هتكون عندي الأطراف للوراء.

أعمل فيها إيه؟

11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت

[ندعوك للتسجيل في المنتدى أو التعريف بنفسك لمعاينة هذه الصورة]

فيه بنات كتير بتحب تلبس طرحة واحدة. تربطها ازاي؟

دي ليها أكتر من طريقة:

الطريقة الأولى:


تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.


الطريقة التانية:


تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.


طيب والبنات اللي بتحب تلبس أكتر من طرحتين.. الربطة تكون ازاي؟


تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

البنت المصرية بتحب الربطة الخليجي.. تعملها ازاي؟

1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.

واللفات المغربي والهندي بتكون شكلها ازاي؟

اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها

[ندعوك للتسجيل في المنتدى أو التعريف بنفسك لمعاينة هذه الصورة]


الربطة المنفوشة أعملها ازاي؟
1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.


ما الألوان المتناسقة مع بعضها وتكون موضة؟

الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.


لو مش عاوزة ألبس الطرحة نفس لون البلوزة أعمل إيه؟

لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة


[ندعوك للتسجيل في المنتدى أو التعريف بنفسك لمعاينة هذه الصورة]

ازاي أنسق الإكسسوار مع الطرحة؟

يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..

[ندعوك للتسجيل في المنتدى أو التعريف بنفسك لمعاينة هذه الصورة]
[center]

الرجوع الى أعلى الصفحة اذهب الى الأسفل
mke.mohamed_korany
مؤسس منتدى كلية التعليم الصناعى ببنى سويف
مؤسس منتدى كلية التعليم الصناعى ببنى سويف
avatar

عدد المساهمات : 709
تاريخ التسجيل : 24/07/2009
الموقع - -محل الاقامة : ‎EGYPT-Helwan
رقم العضوية : mke.mohamed@yahoo.com ......................... 1
المزاج : قال رسول الله صلى الله عليه وآله وسلم يأتي زمان علي أمتي يحبون خمس وينسون خمس ... يحبون الدنيا وينسون الآخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة فإن كان الأمر كذلك ابتلاهم الله بالغلاء والوباء والموت الفجأة وجور الحكام. 'اللهم ' (((((اللهم يا رحمن يا رحيم يا سميع يا عليم يا غفور يا كريم إني أسألك بعدد من سجد لك في حرمك المقدس من يوم خلقت الدنيا إلى يوم القيامة أن تطيل عمر قاريء هذا الدعاء على العمل الصالح وان تحفظ أسرته وأحبته وان تبارك عمله وتسعد قلبه وأن تفرج كربه وتيسر أمره وأن تغفر ذنبه وتطهر نفسه وان تبارك سائر ايامه وتوفقه لما تحبه وترضاه اللهم أمين. )

مُساهمةموضوع: رد: ربطات الحجاب وخاماتها وما يناسب وجهك ومناسباتك أختي المحجبه ...    الجمعة أغسطس 27, 2010 9:53 pm

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]



general Manager -- Mohamed Korany

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذا الرابط]



Mohamed korany
Industrial Education College
الرجوع الى أعلى الصفحة اذهب الى الأسفل
01115235001 http://mke90.yoo7.com
shimoo
عضو نشيط
عضو نشيط
avatar

عدد المساهمات : 70
تاريخ التسجيل : 05/10/2009
الموقع - -محل الاقامة : الاسكندريه
رقم العضوية : 25
المزاج : الدراسه والرياضه

مُساهمةموضوع: رد: ربطات الحجاب وخاماتها وما يناسب وجهك ومناسباتك أختي المحجبه ...    الإثنين أغسطس 30, 2010 1:14 pm

شكرا لكى يا yoyo ومرحبا بيكى فى المنتدى
الرجوع الى أعلى الصفحة اذهب الى الأسفل
http://mke90.yoo7.com
yoyo2011
عضوفعال
عضوفعال
avatar

عدد المساهمات : 44
تاريخ التسجيل : 31/03/2010
الموقع - -محل الاقامة : fe bitna
رقم العضوية : 174
المزاج : Molto molto

مُساهمةموضوع: رد: ربطات الحجاب وخاماتها وما يناسب وجهك ومناسباتك أختي المحجبه ...    الإثنين أغسطس 30, 2010 7:14 pm

شكرا ليك بجد يا مكي ومتشكره ليك اوي على حسن تعاونك و مشاركاتك الدائمه في مواضيعي
ونورتي الموضوع يا شيمو ويارب ديما مواضيعي تعجبك
الرجوع الى أعلى الصفحة اذهب الى الأسفل
 
ربطات الحجاب وخاماتها وما يناسب وجهك ومناسباتك أختي المحجبه ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية التعليم الصناعي ببني سويف :: mke اقسام الغزل و النسيج -- mohamed korany :: قسم تكنولوجيا الغزل والنسيج-
انتقل الى: