اسم الجامعه التى سوف يتم عمل المعادله بها

انا كنت كتبت من يومين ثلاثه على الجامعه اللى هتقبل التعليم الصناعى بس مكنتش قبلت لسه احدى مسؤلين الجامعه والحمد لله تمكنت من مقابله كبار المسؤلين
انا بالفعل رحت يوم الاربعاء اللى فات وخت معايا شهاده النجاح وبيان بالمودا وكذلك المحتوى العلمى وقدمته لاداره الجامعه وقلولى روح على مبنى هندسه وبالفعل رحت وطلبت مقابله العميد شخصيا ولحسن حظى كان العميد موجود ونخبه من الاساتذه بس بصراحه الناس كانت فى منتهى منتهى منتهى الاحترام
المهم
اتكلمت مع العميد شخصيا وعرفته بنفسى وقلتله انا خريج كليه تربيه ميكانيكا 2003 والحمد لله انا شغال الان فى كبرى المكاتب الاستشاريه فى مصر وسبقلى السفر للعمل بالمملكه السعوديه كذلك دبى وكان مهنتى فى الجواز والتاشيره مهندس ميكانيكا عام يعنى انا مش بعان اوى من موضوع المسمى اد مبعانى من موضوع دخولى نقابه للاننا اترفع عننا التكليف من زمان وطبعا انا قصد اقوله كدا عشان الراجل يقدر اننا مطلوبين خارج مصر ومعترف بينا كمان كمهندسين او بمعنى تانى عشان برده ميبصلناش نزره مش اد كدا
المهم قلتله انا عايز اساوى المؤهل بتاعى ببكلوريوس هندسه من جمعتكم فطلب منى انه يشوف بيان المواد وكذلك المحتوى العلمى ونا كنت جبته من اداره الجامعه عندى جامعه المنوفيه وطلبت منهم المحتوى العلمى بتاع هندسه بس لاننا فى الكليه درسين فى كليه الهندسه ودا كان حوالى بمعدل 4 ايام فى الاسبوع ويومين فى تربيه والكلام دا انا قلته للعميد طبعا بص فى المحتوى هوه والدكتره وكالعاده استغربو جداجدا من المحتوى الذى تم دراسته وعلى الرغم من ذلك لم نوضع فى نقابه المهندسين على العكس من معهد الكفاءه الانتاجيه اللى طبعا متعبوش زينا ولا جابو مجاميع زينا طبعا الدكتور طمنى وقالى انتا مش اول واحد تجيلنا احنا بالفعل عندنا خريج كليه تعليم صناعى بنى سويف وقدم اوراقه وعملناله حاجه اسمعها مقصه يعنى بيشيلو المواد التى تمت دراستها وبعد كدا ادموها للمجلس الاعلى للجامعات لاخذ الموافقه وبالفعل تم اخذ الموافقه من المجلس الاعلى للجامعات بقبول الطالب
انا بقا كان هوه الكلام دا اللى كنت عايز اسمعه وهوه موافقه من المجلس الاعلى للجامعات بقبول الطالب الصناعى
وعلى فكره مش العميد بس اللى اتطلع على المحتوى العلمى لا والدكتره اللى كانو معاه كمان وهمه اساتذه فى كليه الهندسه
كل دا لحد كدا جميل جدا بس سمعت بقا منه كلام ديقنى جدا وهوه ان الطالب دا اتعمله 4 سنوات تكميلى يمكن عشان هوه بنى سويف وبتختلف من جامعه لجامعه تانيه الله اعلم على العموم هوه طلب منى اقدم اوراقى فى الاداره عشان يتم دراسته وتقديمها للمجلس الاعلى للجامعات ومن هنا هقدر اعرف عندى كام مده
طبعا انا نسيت اقولكم المصارف كام
المصاريف 22 الف جنيه فى السنه الدراسيه وعلى ترمين ونظام الدراسه بنظام الساعات المعتمده والجامعه بتدى شهادتين من مصر ومن انجلترا جامعه ويلز
نجى بقا لتفكيرى المتواضع
انا كان اهم حاجه عندى انى اسمع منه ان المجلس الاعلى للجامعات وافق على التكميل وطبعا كون انها جامه خاصه بمصاريف فمن صلحها انها تزود المحتوى العلمى بتاعنا شان يكتر عدد السنين
انا بقا بقترح اننا نبداء باجرات قانونيه ونتوجه الى جامعات حكوميه لان المبداء بقا مقبول وعلى فكره يا جماعه انا متابع الموضوع دا من زماااااان اوى وكنت بدات بعده خطواط بس انا لسه عارف بلمنتدى بتعكم دا من قريب اوى
وعلى فكره بخصوص موضوع الدراسات العليا اللى قلتلكم عليه والخاص بالتعليم الصناعى سويس انه ممكن يعمل دراسات عليا دا اتناقش فى مجلس الشعب وممكن تدخلة على جوجل وتكتبو عضو مجلس الشعب يحل مشكله كليه التعليم الصناعى
ودا ممكن يكون الحل التانى اننا نلجاء للاعضاء مجلس الشعب وطبعا انا عارف ان الاعضاء مبيعملوش حاجه لوجه الله بس والله مش كلهم يمكن نلاقى واحد مهنم يقوم بالموضوع دا
يا جماعه انا عايز واحد يكون عنيد يقوم معايا بالموضوع دا وناخد انا وهوه اى قرارا لانى على فكره قررات انى اتفرغ تماما للموضوع دا لانه بقا موضوع مقرف جدا وتعند واضح من بلدنا وانا بصراحه قررات انى مسبش حقى حتى لو وصلت انى اعمل اعتصام امام المجلس الاعلى للجامعات والله انا حياتى وشغلى بره مصر علمنى انى لازم يكون عندى اصرارا واتمسك بحقى
ياجماعه بالله عليكم بلاش نتكلم اكتر منعمل ولو حد عنده استعدات يعمل معايا حاجه ياريت يراسلنى على الاميل بتاعى وهوه اسم دخول على المنتدى بس على الياهو
على العموم اللى عايز عنوان الجامعه هى امام كرفور المعادى خلف بنزينه وطنيه الطريق الدائرى اسم الجامعه mti ادخلو عليها من على النت وخدو تليفونتها ربنا يوفقنا جميعا

والله الموضوع بجد يستاهل
انا مستعد للمشاركه

ابو حميد ياجامد

» حقوق الطالب الجامعى فى الجامعه
» اسمعوا منى النهايه بخصوص المعادله اخبار جميله جدا وكلاامى اكيد